Khua dêh čar ta ơi Phạm Minh Chính čuă Sang hră gưl dlông pơtô bruă bơwih ƀong Stokholm – Thụy Điển
Thứ sáu, 10:00, 13/06/2025 VOV/Siu H' Prăk pơblang VOV/Siu H' Prăk pơblang
VOV4.Jarai - Amăng rơwang nao čuă hăng mă bruă ƀơi dêh čar Thụy Điển, lơ 12/6, Khua dêh čar ta ơi Phạm Minh Chính hmâo nao čuă hăng pơhiăp hơdră bruă ƀơi Sang hră gưl dlông pơtô bruă bơwih ƀong Stockholm – sa amăng hơdôm bôh sang hră bơwih ƀong ba jơlan hlâo kual Kơdư Mi Kô̆ hăng Baltic.

Pơhiăp ƀơi anai, Khua dêh čar pơdah pran jua lăp djă pioh hăng tơlơi pơtô pơhrăm “dưi pô” mơ̆ng sang hră. Khua dêh čar pơdah pran jua pơpŭ giăng mah, hrŏm hăng anun čang rơmang pok pơbiă rơwang gum hrŏm phrâo kơplah wah dua bôh dêh čar hăng tơlơi rô nao rai pok prong, dơlăm, kơjăp hloh dong amăng djop bruă.

Gah tơhnal lăng nao pơgi kơdih anai, Khua dêh čar pơsit Việt Nam hăng Thụy Điển glăk dŏng ƀơi anăp tơhnal gru grua pioh pơtŏng sit bruă mă lĕ hơdôm bôh dêh čar bơwih ƀong ba jơlan hlâo kual, pơđĭ tơhnal gum hrŏm kơjăp pran jua “Gum hrŏm – bơnah gum hrŏm”, hơdai gum hơgôp klă amăng tơlơi rơnuk rơnua, hơđong, pơđĭ kyar amăng kual hăng đơ đam rŏng lŏn tơnah./.

VOV/Siu H' Prăk pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024