
Abih bang gơnam hmâo ƀơi tơring čar djơ̆ rơnoh đĭ kyar 7,49%. Anai lĕ mrô lăp pơsur biă, biă ñu tơring čar phrâo găn rơgao pơmut hrŏm bruă čar, kiăng hmâo mông pioh hơđong glông jơlan mă bruă hăng hơdră wai lăng.

Abih bang ngăn drăp Kơnuk kơna pơhrui hmâo 13.656 klai prăk, đĭ 37,3% bơhmu hăng thun hlâo, amăng anun kơnong kơ Bình Định gum pơgôp hmâo 10.000 klai prăk. Pơhrui mơ̆ng gơnam sĭ kơ dêh čar tač rơngiao đơ đam tơring čar hmâo 1,686 klai dolar Mi, đĭ rơbêh kơ 21%. Khua Jơnum min mơnuih ƀôn sang tơring čar ơi Phạm Anh Tuấn rơkâo đing nao pơtrut kơtang pơplih mrô bruă wai lăng, pơhlôm tơhnal pơkă bơwih ƀong – mơnuih mơnam dưi pok pơhai ba glăi bôh tơhnal mơ̆ng gưl tơring čar truh plơi pla. Khua mua hơdôm gơnong bruă khom gơgrong ƀơi anăp kơ bôh tơhnal rim bruă mă, hrŏm hăng anun pơtô brơi rơđah hơdră pok pơhai bruă jao kơ plơi pla, djơ̆ tui tơlơi kiăng pơđĭ kyar bơwih ƀong – mơnuih mơnam hăng bơwih brơi kơ mơnuih ƀôn sang./.
Viết bình luận