Ơi Bùi Viết Tiệm, dô̆ ƀơi tơring glông Čư̆ Sê, tơring čar Gia Lai, lăi pơthâo lĕ bruă dưm dăp anom mă bruă čar gưl tơring čar ƀu kơnong kơ tơhnal pioh pơplih bruă čar ôh mơ̆, dô̆ jing tal pioh pơtrut pơđĭ kyar bơwih ƀong, anom mă yua dong.

 “Kâo čang rơmang tơdơi kơ pơmut hrŏm tơring čar Gia Lai phrâo amra dưi pơđĭ dlông jơlan nao rai pioh tô nao rai klă hloh kual čư̆ siăng Gia Lai hăng kual lŏn dăo mơ̆ng Bình Định. Čang rơmang kơnuk kơna pơdŏng dong hơdôm jơlan hơdră hrŏ trun ƀun rin, biă ñu hăng hơdôm plơi pla djuai ania ƀiă hăng mơnuih ƀôn sang ƀơi kual asuek, ataih”.

Khua pơ ala mơnuih ƀôn sang sit nik tŭ yap ngă tui tơlơi pơtrun pơmut hrŏm, hrŏ trun mrô tơring čar, ƀôn prong đơ đam dêh čar mơng 63 dŏ 34 boh anih anom gưl tơring čar hăng dưm dưm. Tui anun, Dak Nông amra pơmut hrŏm hăng tơring čar Lâm Đồng kah hăng Bình Thuận, jing tơring čar Lâm Đồng phrâo. Ƀing apăn bruă hăng mơnuih ƀôn sang tơring čar Dak Nông ăt pơdah pran jua tŭ ư hăng dong yua biă mă tơlơi pơtrun anai. Ơi Phan Cự Tâm, Kơ-iăng Khua Jơnum min mơnuih ƀôn sang să giăm guai Dak Buk So, tơring glông Tuy Đức brơi thâo.

“Dak Nông hăng Lâm Đồng lĕ dua boh tơring čar hơmâo tơlơi dưi pơđĭ kyar bơwih brơi tuai čuă ngui pơ đang hmua, lơm anun Bình Thuận lĕ tơring čar giăm hang ia rơsĭ. Tơdơi kơ pơmut hrŏm 3 boh tơring čar amra pơđĭ kyar jing tơring čar phrâo hơmâo lu tơlơi gal mơng kual ia rơsĭ truh pơ glai rưng. Djop anih amra tơkuh nao rai kiăng pơđĭ kyar”