Pơhiăp črâo ba amăng mông Jơnum, ơi Trần Cẩm Tú – Khua git gai Ping gah hơdôm bôh ƀirô Ping gah dêh čar brơi thâo, bruă pơgang, pơgăn hưp ƀong kông ngăn, ngă khưi khai, tơlơi ngă soh hăng pơplih pơkra tơlơi phiăn rơwang bruă rơgao hmâo yak pơplih phrâo kơtang hăng hmâo lu bôh tơhnal yôm phăn, amăng anun hmâo bruă mă hăng djru prong mơ̆ng Ping gah ƀirô Grŭp pơgang, pơgăn hưp ƀong kông ngăn dêh čar.

Ơi Trần Cẩm Tú rơkâo amăng rơwang bruă phrâo Ping gah ƀirô Grŭp pơgang, pơgăn hưp ƀong kông ngăn dêh čar khom pơplih pơkra tơlơi pơmin hơdră ngă, gơgrong hlâo thâo hmao tlôn, hưp ƀong kông ngăn hơdôm tơlơi prong, tơlơi tơnap amăng pơgang, pơgăn hưp ƀong kông ngăn, ngă khưi khai, tơlơi ngă soh hăng pơplih pơkra tơlơi phiăn, djơ̆ tui tơlơi kiăng ngă tui pơđĭ kyar mơ̆ng lŏn ia. Jơnum hmâo ruah tơbiă Grŭp mă bruă Ping gah dêh čar rơwang bruă mơ̆ng thun 2025-2030./.