Tui hăng kơčăo bruă, hơdôm bôh phường Plei Ku, Hội Phú, Diên Hồng, Thống Nhất hrŏm hăng să Đăk Đoa amra lông lăng bruă hră pơ-ar anih dô̆ hăng tŭ mă lŏn drŏn. Lơm anun, hơdôm bôh să Gào, Biển Hồ, Čư̆ Pưh, Čư̆ Păh hrŏm hăng phường An Phú amra lông lăng bruă ngă hră pơ-ar pơplih tơlơi mă yua lŏn.

Bruă ngă pơphô hlâo amra pơphun amăng lơ 25/6. Tui hăng hơdră hmâo tơring čar Bình Định pơdŏng: Mơnuih apăn bruă tơring čar Gia Lai ƀơi anăp čơkă mă hră pơ-ar ƀơi plơi pla, bơ̆ mơnuih apăn bruă 10 bôh să mơ̆ng tơring čar Bình Định gum hrŏm pơsit, pơđom bôh tơhnal amăng jơlan mă bruă. Lơm pơphô hlâo pơphun mơ̆ng 2 mông čơtlăm, pơđut pơsir amăng 3 mông čơtlăm. Tơdơi kơ pơphô hlâo, 2 bôh tơring čar amra jơnum mă tơlơi găn rơgao, pơplih pơkra, ngă giong glông jơlan mă bruă. Pơphun mơ̆ng lơ 1/7, abih bang hơdôm bôh să, phường ƀơi tơring čar Gia Lai amra sit nik mă yua glông jơlan pơsir hră pơ-ar bruă čar tui hơdră phrâo./.