Amăng mông mă bruă Khua git gai Ping gah dêh čar ta ơi Tô Lâm rơkâo, Ping gah Jơnum min djop djuai ania mơnuih mơnam dêh čar Việt Nam, hơdôm khul grŭp Ping gah dêh čar, Grŭp Khua Jơnum min djop djuai ania mơnuih mơnam dêh čar Việt Nam hrŏm hăng ding kơna ngă tui dong bruă phun kơđi čar, kơtưn bruă lăi pơhing, tum pơƀut, pơsur hơdôm tal mơnuih ƀôn sang amăng dêh čar hăng mơnuih dêh čar ta pơ̆ dêh čar tač rơngiao.

Iâo pơhrui djop ngăn rơnoh, rŭ tơgŭ đĭ kơtang pran pơčeh phrâo mơ̆ng djop mơnuih ƀôn sang, ha pran jua, gum pran hrŏm ngă truh kih “4 Tơlơi pơtrun pơsit phun” mơ̆ng Ding jum kơđi čar (Tơlơi pơtrun pơsit 57, 59, 66, 68). Pơsur mơnuih apăn bruă, mơnuih mă bruă čar, mơnuih mă bruă pơkon hăng hơdôm gưl mơnuih ƀôn sang tŭ ư hrŏm, djru ngă truh kih bruă hơkrŭ dưm dăp jơlan mă bruă čar mơ̆ng dêh čar truh plơi pla tơbô̆t, kơtang, ba glăi bôh tơhnal, ba glăi bôh tŭ yua, bôh tơhnal, pơplih tơlơi mơ̆ng wai lăng jing pơčeh phrâo pơđĭ kyar, djru anom bơwih ƀong hăng mơnuih ƀôn sang, mă anom bơwih ƀong, mơnuih ƀôn sang ngă phun than./.