Tơdơi kơ mông čơkă, Khua mua dua bơnah pơphun bơkơtuai hăng pran jua hur har, đăo gơnang hăng pok phư. Dua bơnah hơmâo pơlăi nao tơlơi sit nik ƀơi rĭm boh dêh čar, pơčrông sai tui jơlan gah pơprong hăng hơdôm hơdră bruă tong ten kiăng kơtưn ngă hrŏm dua bơnah pơ anăp anai. Kơ bruă kơđi čar-pơtom hiăp, dua boh dêh čar kơtưn pơbưp nao rai khua mua djop gưl, sit biă ñu lĕ gưl prong, kiăng hơkrŭ glăi pran đăo gơnang kơđi čar hăng thâo hluh tơdruă.

Kơ tơlơi bơwih ƀong huă, sĭ mơdrô, tuh pơ alin, dua čô khua pơsit tong anai lĕ akŏ phun amăng tơlơi rô nao rai dua bơnah; tŭ ư dua bơnah hơmâo lu tơlơi dưi kiăng hrưn đĭ rơnoh sĭ mơdrô gơnam tam; pok prong hơdôm hơdră ngă hrŏm anun lĕ pơtrut akŏ pơjing Jơnum min pơlir kơnuk kơna kơ ngă hrŏm bơwih ƀong huă hăng boh thâo ia rơgơi; pok pơhai tŭ yua tơlơi pơkôl sĭ mơdrô rơngai Việt Nam-EU (EVFTA), ba glăi tơlơi gal kiăng gơnam tam mơng rĭm boh dêh čar dưi ba sĭ mơdrô pơ dua boh dêh čar, amăng anun hơmâo ba sĭ pơ kual EU hăng ASEAN.