
Amăng tal nao čuă jơmư, Khua dêh čar ơi Phạm Minh Chính hơmâo lu mông bưp khua mua prong mơ̆ng Thuỵ Điển, bưp hơdôm anom bơwih ƀong hmư̆ hing mơ̆ng dêh čar Thuỵ Điển glăk tuh pơ alin hăng bơwih ƀong sĭ mơdrô ƀơi Việt Nam, bưp ƀing apăn bruă kơsem min, ƀing kơhnâo či lăi pơthâo hơdră ngă bruă prong mơ̆ng Kơnuk kơna Việt Nam, bưp hăng pơhiăp tom ră ruai hăng mơnuih ƀôn sang Việt Nam ƀơi Thụy Điển.

Dua bơnah amra pơƀut lăi nao hơdôm hơdră pơđĭ tui tơlơi rô nao rai ngă hrŏm dlăm, abih bang djŏp bruă kơđi čar - pơtom hiăp, bơwih ƀong huă - sĭ mơdrô - tuh pơ alin, boh thâo ia rơgơi, pơčeh phrâo, boh thâo mrô, pơtô hăng pơjuăt, gru grua - bơrơguăt drơi jăn - tuai hyu ngui, đĭ kyar kjăp hăng pơbưp mơnuih ƀôn sang lu hloh, ngă dlăm hloh hơdôm tơlơi ngă hrŏm glăk hơmâo, pok prong ngă hrŏm amăng lu mơta bruă pơkŏn dong, pok rai tơlơi gêh găl phrâo kơ tơlơi ngă hrŏm dua bơnah.
Viết bình luận