Hơdôm hrơi rơgao, dua bôh tơring čar Gia Lai hăng Bình Định hmâo gum hrŏm kơjăp, pơhlôm rơnoh bruă hăng tŭ ư hrŏm tơlơi pơkă pơpha mơnuih apăn bruă git gai, wai lăng ƀơi hơdôm gơnong bruă, grŭp, anom bruă tơdơi kơ pơmut hrŏm. Tơring čar Bình Định ră anai glăk akô̆ pơjing hơdră bruă gum djru mơnuih apăn bruă Gia Lai lơm nao mă bruă ƀơi tơring čar phrâo.

Pơhiăp amăng mông mă bruă, ơi Nguyễn Xuân Thắng rơkâo dua bôh tơring čar kiăo tui Tơlơi črâo ba mơ̆ng Ding jum kơđi čar kơ pơphun Jơnum Ping gah hơdôm gưl anăp nao Jơnum tal 14; Pơtă, čih pơkra hră pơ-ar Jơnum khom nao hrŏm hăng bruă pơđĭ kyar sui thun. Bruă pơpha mơnuih mă bruă gưl Ping gah, gong gai khom pơhlôm ruah djơ̆ mơnuih, ƀu pioh lui hĭ mơnuih apăn bruă thâo rơgơi, abih pran jua kơ bruă hăng hmâo lu tơlơi gum hơgôp amăng bruă mă./.