Tui hăng akŏ bruă, tơdơi kơ dăp glăi, dêh čar ta amra hơmâo 34 anom bruă gưl tơring čar, hơmâo 6 boh ƀôn prong hăng 28 boh tơring čar. Lu tơlơi pơgôp hiăp lăi, bruă dăp glăi anom bruă kơnuk kơna gưl tơring čar tal anai ƀu kơnong hrŏ trun gưl tơring glông  kiăng anom bruă mă bruă lăp djơ̆ hloh đôč ôh mơ, ăt pơjing anih đĭ kyar kjăp kơtang, pơmut tơlơi gêh gal tơlơi hơmâo kơtang mơ̆ng rim kual (wơ̆t čư̆ siăng hăng ia rơsĭ).

Tui hăng tơlơi git gai mơ̆ng Ding jum kơđi čar, mơ̆ng lơ 1/7 pơ anăp, amra mă bruă tui anom bruă phrâo laih, hăng gong gai dua gưl (jing hơmâo gưl tơring čar hăng să). Kơnuk kơna pơsit anai ƀu kơnong pơphun glăi anom bruă kơnuk kơna đôč ôh mơ̆ ăt jing tơlơi gêh gal či pơplih phrâo, pơđĭ tui tơlơi rơgơi wai lăng, pơtrut kah pơpha gưl ngă bruă, kah pơpha tơlơi dưi git gai wai lăng, hăng pơđĭ tui tơlơi gơgrong pô mơ̆ng gong gai tơring čar, ƀôn prong.