Khua git gai Ping gah dêh čar ơi Tô Lâm nao čuă gưl Kơnuk kơna pơ dêh čar Azerbaijan
Thứ năm, 10:47, 08/05/2025
VOV/Siu Đoan Pơblang
VOV/Siu Đoan Pơblang
VOV4.Jarai-Tơdơi kơ pơđut hĭ hiam klă tal nao čuă gưl kơnuk kơna pơ dêh čar Kazakhstan, tlam lơ 7/5 (tui mông ƀơi dêh čar anai), Khua git gai Ping gah dêh čar ơi Tô Lâm hăng bơnai ñu hrŏm hăng khua mua pơprong mơng Việt Nam nao čuă gưl kơnuk kơna pơ dêh čar Azerbaijan, tui tơlơi jak iâu mơng Khua mir sir Ilham Aliyev.
Việt Nam hăng Azerbaijan akŏ pơjing tơlơi rô nao rai pơtom hiăp dong mơng thun 1992. Hơdôm thun giăm anai, tơlơi ngă hrŏm bơwih ƀong huă-sĭ mơdrô kơplah wah Việt Nam hăng Azerbaijan pơđĭ kyar kơtang. Việt Nam sĭ mơdrô lu hloh măi komputơr, măi telephôn hăng gơnam măi mok, akan hơdang pơ Azerbaijan, blơi mut ia jâo mơñă hăng gơnam mơng ia jâo.
Tal nao čuă anai mơng Khua git gai Ping gah dêh čar ơi Tô Lâm lĕ tal nao čuă gưl prong hloh mơng khua mua Ping gah hăng Kơnuk kơna Việt Nam pơ dêh čar Azerbaijan, amra pơgôp ngă kơtưn ƀiă dong tơlơi rô nao rai dua bơnah, sit biă ñu amăng hơdôm bruă Azerbaijan hơmâo tơlơi gal, sit biă ñu amăng bruă ia jâo hăng lu bruă pơkŏn dong.
Viết bình luận