Ră anai đơ đam tơring čar hmâo năng ai ñu 10.000 bôh anom bơwih ƀong anet hăng găp ƀrô̆, samơ̆ lu ñu hơdră anet, anô̆ gal tơdu, bưp tơnap kơ prăk mă yua, hơdră măi mok hăng anih anom sĭ mơdrô. Hră čih pơkra Tơlơi pơtrun pơsit pioh pơtlaih anô̆ gun, pok tơbiă ngăn rơnoh, pơplih phrâo tơhnal pơkă pơđĭ kyar bơwih ƀong mơnuih ƀôn sang jing pran pơtrut yôm phăn mơ̆ng bruă bơwih ƀong, hrŏm hăng anun pok pơhai pran jua Tơlơi pơtrun pơsit 68 mơ̆ng Ding jum kơđi čar kơ pơđĭ kyar bruă bơwih ƀong mơnuih ƀôn sang amăng rơnuk anai.

Amăng mông jơnum, ƀing khua pơ ala gum pơhiăp kơ hơdôm bôh yôm kah hăng djru lăi pơthâo bôh thâo ia rơgơi, pơtrut sĭ mơdrô gơnam tam, lăi pơhing hyu, kơtưn pơlir hơbit bruă blơi sĭ. Lu tơlơi gum pơhiăp ba tơbiă pơhrua nao đing nao hlâo kơ anom bơwih ƀong pơphun bruă mă, pơplih phrâo pơčeh phrâo, pơplih mrô hăng tuh pơplai bruă đang hmua mă yua măi mok yôm./.