Ƀrô ngă lơphet 100 thun Hrơi čih hră pơhing ngă hơkrŭ Việt Nam (lơ 21/6), tlam lơ 11/6, tơring čar Dak Lăk pơphun brơi Pri Hră pơhing phrâo tơring čar Dak Lăk thun 2024 hăng pơtum glăi 5 thun pơphun pri anai. Pri Hră pơhing phrâo tơring čar Dak Lăk pơphun mơ̆ng thun 2021, hơmâo brơi rim thun kơ hơdôm tơlơi čih rơgơi hloh mơ̆ng thun hlâo kơ anun. Mơ̆ng 5 thun pơphun ngă, hơmâo giăm 600 tơlơi čih pơhing mơ̆ng djŏp anih ba pơplông. Kơnong amăng thun anai, hơmâo 96 tơlơi čih mut amăng tal rơnuč.

Ƀơi mông brơi pri, Khul čŏm puang Pri Hră pơhing phrâo tơring čar Dak Lăk hơmâo brơi pri kơ 49 tơlơi čih rơgơi hloh, djơ̆ hăng tơlơi kiăng hmư̆ hloh. Jơnum min mơnuih ƀôn sang tơring čar Dak Lăk ăt bơni kơ sa grup hăng 7 čô mơnuih rơgơi mơbruă amăng bruă pơphun  pơplông brơi pri. VOV Dap Kơdư pơ-ư ang lơ̆m hơmâo mă 7 pri pôr jua pơhiăp, amăng anun hơmâo 1 pri A hăng 1 pri B./.