Đĭ pơhiăp amăng mông pok pơphun, nai tha prin-nai prin tha Nguyễn Xuân Thắng-Khua khul Lý luận gơnong glông, Khul čih pơkra črăn hră pơtrun pơsit Jơnum tal 14 lăi pơtong, hră pơtrun pơsit Jơnum tal 14 mơng Ping gah pơdah tơlơi tŏ tui hăng pơđĭ kyar mơng hơdôm tal jơnum hlâo anun, laih dong lăi nao tơlơi pơplih phrâo, pơčeh phrâo amăng tơlơi pơmĭn hăng bruă mă. Pơgôp amăng hră pơtrun pơsit lĕ tơlơi gal kiăng ƀing khua pơ ala mơnuih ƀôn sang hlăk ai pơgôp boh thâo, pran jua mă bruă amăng pơđĭ kyar lŏn ia.

Nai prin tha-nai tha prin Nguyễn Xuân Thắng rơkâo: Lu boh tơhnal phrâo ba tơbiă, kiăng pơhlôm hơđong kiăng pơđĭ kyar hăng pơđĭ kyar pơhlôm hơđong kjăp sui pơ anăp. Akŏ phun amăng boh tơhnal anai lĕ tơlơi bơwih ƀong huă mơnuih mơnam hăng wai pơgang anih dŏ hơdip jum dar. Anih dŏ jum dar lĕ boh tơhnal phrâo. Laih dong bruă ană mơnuih pơplih phrâo. Hlâo anai, ƀing ta juăt lăi nao bruă yôm phun pơ anăp. Samơ̆ kâo pơmĭn gưl ƀon lan, bruă jao ƀu bơkơnar, tơdah ƀu hơmâo mơng tơlơi sit nik ƀing ta pơđĭ kyar hiưm pă ñu. Kâo ăt čang rơmang ƀing khua pơ ala đing nao kơ bruă anai amăng pơtrut pơplih phrâo.