Ƀơi tal pơplông čơđai hrăm rơgơi gưl dêh čar, tơring čar Dak Lăk hơmâo mă 72 pri, amăng anun, hơmâo 2 pri Sa. Anai jing pri prong hloh mơ̆ng hlâo truh kơ ră anai, dong tal 16 amăng đơ đam dêh čar, bong kjăp nao hlâo amăng hơdôm boh tơring čar amăng kual Dơnung Tong Krah hăng Dap Kơdư. Biă ñu hơmâo 4 čô čơđai hơmâo ruah pơplông Olympic kual hăng jar kmar thun 2025; 1 čô čơđai hơmâo pơ ala kơ Việt Nam pơplông Olympic Tin học ASIA - Thái Bình Dương.

Ƀơi mông apah bơni, khua mua tơring čar Dak Lăk tŭ yap hăng bơni biă hơdôm tơlơi gir run mơ̆ng ƀing nai hăng čơđai sang hră amăng thun hrăm rơgao, kiăng anom bruă pơtô hăng pơjuăt tơring čar pơtrut tui boh than klă anai, pơƀut pơđĭ tui tơlơi hrăm abih bang hăng amăng hơdôm tal pơplông čơđai hrăm rơgơi djŏp gưl./.