Ƀơi anai, ƀing čih tơlơi pơhing mơ̆ng đưm hlâo, mơnuih apăn bruă, khua mua hơdôm anom bruă čih tơlơi pơhing hơmâo lăi nao kơ bruă čih pơkra tơlơi phiăn phara, pơtô brơi jơlan čih pơkra Tơlơi phiăn hră pơhing, pơplih boh thâo mrô hăng đĭ kyar glông pôr pơhing lu anih.

Khua git gai pơ ala mơnuih ƀôn sang lăng yôm hơdôm tơlơi gum pơgôp mơ̆ng anom bruă čih tơlơi pơhing amăng bruă ngă hơkrŭ lŏn ia, laih dong kiăng pơplih tơlơi pơmin čih pơkra tơlơi phiăn, tơlơi pơkôl pơkă yua Khua mua pơ ala mơnuih ƀôn sang dưi čih pơkra, kiăng huăi ngă hơdôm tơlơi pơkôl pơkă jing hĭ tơlơi phiăn. Khua mua pơ ala mơnuih ƀôn sang amra ngă amuñ brơi, kah pơpha gưl ngă bruă, jao tơlơi dưi kơtang, jao tơlơi dưi prăp rơmet kơ Kơnuk kơna amăng bruă mă yua tơlơi phiăn, kiăng pơđĭ tui boh tŭ yua lơ̆m ngă tui tơlơi phiăn, ngă gêh gal kiăng đĭ kyar bơwih ƀong huă - mơnuih mơnam./.