Abih bang pơphun bruă mă hlâo dưi krăo lăng tong ten, pơdah thâo tơlơi pơhing online hăng pơtui jua pơhiăp hmao klôn pơtruh nao rai hăng anih phun lĕ anom bruă khua ping gah tơring čar Lâm Đồng, Bình Thuận hăng Dak Nông krăo lăng. Lơ̆m pơphun lông ngă hlâo bruă mă, hơmâo pơsir hmao mơ̆n djop bruă jao. Y Thanh Hà Niê Kdăm, Khua git gai ping gah tơring čar Lâm Đồng pơsit, bruă djop sang bruă gong gai phrâo lông ngă hlâo ƀu kơnong “Yak rơbat blung a” pioh ngă juăt hăng hơdră phrâo đôč ôh, dŏ jing anŏ gêh găl sit nik kơ djop sang bruă, anom bruă ƀơi kual yŭ, kual plơi pla ngă pơgiong bruă mă amăng kơnuk kơna hăng sang bruă phrâo. Anai ăt jing “Tơlơi sem lăng hlâo” tơlơi thâo git gai amăng bruă mă, ngă hrŏm djop anih mă bruă, khul khua mua git gai ƀơi să phrâo. Hơdôm tơlơi dŏ gun, sư̆ rơbư̆ lĕ kiăng pơsir, hrăm glăi hmar hlâo kơ pơphun brơi abih bang 124 boh să, phường, anih mă bruă phara tơdŭ mă bruă sit nik.

Tlam lơ 23/6, phường Nam Gia Nghĩa (plơi prong Gia Nghĩa, Dak Nông) hơmâo ngă bruă laih. Hơdôm hră pơ-ar gah lŏn tơnah, tơlơi phiăn, ngă hră sang anŏ hơmâo tŭ mă hăng pơkra brơi djŏp kơ mơnuih ƀôn sang, brơi ƀuh pran jua ngă bruă hur har mơ̆ng gong gai phrâo. Phường Nam Gia Nghĩa hơmâo akŏ pơdong yua pơmut hrŏm phường Nghĩa Phú, Nghĩa Tân hăng să Dak R’Roan (plơi prong Gia Nghĩa, Dak Nông). Hơbô̆ bruă phường phrâo hơmâo: Anom bruă ngă hră pơ-ar, Anom bruă Bơwih ƀong - man pơkra anih anom plơi prong, Anom bruă gru grua - mơnuih mơnam hăng Anom bruă čơkă pơkra brơi djŏp mơta hră pơ-ar, hrŏm hăng hơdôm anom bruă mơ̆ng hơdôm boh tơring pơmut hrŏm. Mơnuih mă bruă sit nik hơmâo 120 čô. Amăng hrơi lông ngă lăng, abih bang hră pơ-ar mơ̆ng mơnuih ƀôn sang hăng anom bơwih ƀong lêng kơ hơmâo pơsir klă.