Khua git gai Ping gah ơi Tô Lâm pơsit, Nam Định - Hà Nam - Ninh Bình jing 3 kual lŏn hơmâo gru grua ia iŏm phara, samơ̆ hơmâo hrŏm anŏ yôm gru grua - ană mơnuih. Khua git gai Ping gah hơmâo črâo pơƀuh 6 mơta tơlơi mơ̆ng rơngiao hăng amăng lăm kiăng Ping gah pơsit pơmut hrŏm 3 boh tơring čar, amra hơmâo kual prong biă mă či akŏ pơdong gong gai rơgơi mơbruă, ngă bruă pơƀut - hơdeč hmar - tŭ yua.

Kiăng mă yua klă tơlơi gêh gal, tơlơi hơmâo, hăng djru nao rai 3 kual mơ̆ng tơring čar Ninh Bình phrâo, Khua git gai kiăng ječ ameč ngă giong bruă dăp glăi tui hơbô̆ bruă gong gai 2 gưl djơ̆ tui hăng Tơlơi pơtrun 60 hăng Tơlơi klah čun 150 mơ̆ng Ding jum kơđi čar. Kiăng ngă djơ̆ hơdră, lăp djơ̆, pơhlôm ngă bruă hruaih na nao, huăi luk puk, huăi ngă rung răng tơlơi hơdip mơnuih ƀôn sang wơ̆t hăng bruă pơkra gơmam sĭ mơdrô./.