
Tơring čar hơmâo prăp lui 42 boh sang hră pơphun pơplông, hăng 718 bit anih mut pơplông. Kiăng pơhlôm rơnuk rơnua hăng tơpă sit, Gơnong bruă pơtô hăng pơjuăt Gia Lai hơmâo iâu pơthưr 4.500 čô nai pơtô, mơnuih mă bruă gum wai lăng.

Hrŏm hăng prăp rơmet gơnam yua, anih anom, hơdôm boh sang hră gưl 3 ƀơi tơring hơmâo pơphun pơtô hrăm glăi, hơdor glăi tơlơi hrăm kiăng čơđai ñu hơdor, thâo pơkra ƀai. Bruă “djru čơđai nao pơplông” ƀơi hơdôm anih ăt prăp lui mơn. 2.400 čô čơđai sang anŏ tơnap ƀơi Gia Lai hơmâo djru ba rơbêh 940 klăk prăk. Kơnong ƀơi plơi prong Pleiku hơmâo prăp rơmet anih dŏ dong ƀong huă kơ ƀing čơđai mơ̆ng rơngiao pơplông tui Jơlan hơdră pơtô hrăm 2006./.
Viết bình luận