Tơdơi kơ truh pơ̆ plơi prong jưh jom Dakar, dêh čar Senegal mơtăm, Khua git gai pơ ala mơnuih ƀôn sang dêh čar ta ơi Trần Thanh Mẫn hăng Bơnai ñu hrŏm hăng Grŭp khua pơ ala gưl dlông dêh čar ta hmâo laih bruă pơbưp, ră ruai hăng mơnuih apăn bruă Ƀirô anih jưh, mơnuih Việt Nam ƀơi dêh čar dô̆ hơdip, pioh lăi pơhing kơ bruă mơnuih Việt Nam pơ̆ dêh čar tač rơngiao amăng rơnuk phrâo.

Amăng tal nao čuă sit nik dêh čar Senegal anai, Khua git gai pơ ala mơnuih ƀôn sang dêh čar ta ơi Trần Thanh Mẫn hăng Bơnai ñu hrŏm hăng Grŭp khua pơ ala gưl dlông dêh čar ta amra hmâo hơdôm bruă bơkơtuai, rôk ruai hăng khua git gai gưl dlông dêh čar Senegal; pơhmư̆ mông ngă Lơphet kĭ pơkôl hră pơ-ar gum hrŏm kơplah wah dua Khua pơ ala mơnuih ƀôn sang; Pơhmư̆ mông ngă lơphet lăi pơthâo akô̆ pơjing Grŭp Khua pơ ala mơnuih ƀôn sang giăng mah Việt Nam - Senegal; Pơhmư̆ bruă bơkơtuai hơdră bruă tơlơi phiăn kơ pơtrut gum hrŏm bruă đang hmua, sĭ mơdrô, tuh pơplai Việt Nam - Segengal./.