Nao jơnum hơmâo 160 čô khua mua, 21 čô khua mua hơmâo gơnong glông rơkâo pơmut amăng Khul apăn bruă hăng 7 čô khua mua amăng Khul djru bruă. Amăng mông jơnum, Đại tá Trần Minh Trọng-Kơ-iăng Khua Quân khu V tŭ yap, lăng yôm hơdôm boh than mơ̆ Ping gah anom bruă git gai ling tơhan tơring čar Dak Lak dưi ngă amăng rơwang ngă bruă rơgao; kah hăng pral lui jơnum hăng pơphun truh kih 12 jơnum Ping gah amăng rơwang thun 2025-2030 hăng pơjing tơlơi pơtrun Jơnum rơwang tal anai.

Ơi Nguyễn Đình Trung, Khua git gai Ping gah tơring čar, Khua git gai Ping gah anom bruă git gai ling tơhan tơring čar Dak Lak brơi thâo, tơlơi pơtrun mơng Jơnum pơsit hăng anăn “Tŏ tui gru grua ling tơhan tơring čar Dak Lak sông kơtang; đing nao pơjing Ping gah ngă bruă tơpă sit, hơđong kjăp; ling tơhan tơring čar kjăp djop mơta, ba gru, ba jơlan hlâo; gir run pơgiong klă bruă jao mơng ling tơhan, wai pơgang kjăp lŏn ia Việt Nam xã hội chủ nghĩa amăng rơnuk phrâo.