Ƀơi mông jơnum, Khua git gai pơ ala mơnuih ƀôn sang dêh čar brơi thâo, Jơnum min apăn bruă phun pơ ala mơnuih ƀôn sang dêh čar amra čih pioh hơdôm tơlơi pơgôp hiăp mơ̆ng ƀing pơ ala mơnuih ƀôn sang dêh čar, pioh pơ anăp anai, čih pơkra glăi tơlơi phiăn dêh čar, amăng bruă krăo lăng mơ̆ng khua pơ ala mơnuih ƀôn sang dêh čar hăng khua pơ ala mơnuih ƀôn sang tơring čar mơ-it hăng khua pơ ala mơnuih ƀôn sang dêh čar sem glăi, pơsit amăng mông jơnum lok 10, tal 15 pơ anăp, kiăng pơhlom brơi djop hră pơtrun krăo lăng dưi ngă tui tơpă amăng bruă mă rim hrơi.

Khua git gai pơ ala mơnuih ƀôn sang dêh čar rơkâo, djop mông jơnum, ƀing mơnuih rơgơi kơhnâo hăng ƀing pơ ala pơčrong sai tong ten, lăi tơpă boh yom phun, tơlơi rơkâo tum teč hăng bruă mă sit nik. Pơđut mông jơnum, Khul pơphun jơnum amra čih pioh, ngă hră lăi pơthâo khua mua pơ ala mơnuih ƀôn sang dêh čar, kơnuk kơna, djop ding jum, anom bruă hăng tơring čar hmao pơsir hĭ čih pơkra glăi djop hră pơar tơlơi phiăn tum teč hloh.