Lơ 6/8, Anom pơtô bruă ping gah hăng mơnuih ƀôn sang dêh čar ngă hrŏm sang bruă ping gah Jơnum min djop djuai ania mơnuih mơnam, khul grup mut phung dêh čar, ping gah Ding jum Boh thâo ia rơgơi phrâo, ping gah ding jum Gru grua Pơrơguăt drơi jăn hăng Tuai čuă ngui laih anun djop sang bruă pơdjơ̆ nao Jơnum bưp 80 čô khua mua pơ ala kơ ƀing mơnuih rơgơi kơhnâo, kơsem min, adoh suang amăng đơ đam dêh čar.

Pơhiăp amăng mông jơnum, Khua git gai ping gah ơi Tô Lâm pơdah pran jua hơdor tơngia prong prin kơ ƀing rơgơi kơhnâo, mơnuih kơsem min, khul adoh suang, čih tơlơi hơ̆k hơr amăng dêh čar ta thun blan laih rơgao ngă hrŏm ping gah, kơnuk kơna hăng djuai ania, pơpŭ hăng đing hmư̆ laih anun čih pioh hơdôm tơlơi pơgôp hiăp tơpă mơ̆ng ƀing pơ ala mơnuih rơgơi kơhnâo mut jơnum hrŏm anai. Khua git gai ping gah, čang rơmang pơ anăp anai, ƀing mơnuih rơgơi kơhnâo, kơsem min, ƀing čih tơlơi hơ̆k hơr, adoh suang ăt djă pioh na nao gru grua yom, pơyơr pran jua, tơlơi thâo, ia rơgơi pơčeh phrâo hơmâo lu ring bruă, tơlơi čih yom, hrŏm hăngping gah, Lŏn ia laih anun mơnuih ƀôn sang khut khăt gir run akŏ pơdong dêh čar kiăng rơnuk rơnua, rơngai, pơdrong sah, hing ang, hyuk hyak mơak klă rơnuk pơblih phrâo kah hăng ră anai.