Ngă tui tơlơi črâo trun mrô 24 mơng Ding jum kơđi čar kơ bruă tŏ tui hyu ĕp, klơi pơƀut glăi tơlang tơleh truh ră anai, khul hơmâo djru ĕp hăng hơdră tui tơlơi črâo ba hăng pơsit tong tơlang tơleh tơhan djai pơsăn drơi aka ƀu tong ten anăn hăng pơčrang lăng AND, ĕp glăi anăn brơi 1.250 tơhan djai pơsăn drơi. Djru pơgiăng glăi rơbêh 1.600 per tơlang tơleh tơhan djai pơsăn drơi mơng pơsat dor tơhan djai pơsăn drơi glăi pơ plơi pla gơñu.

Đĭ pơhiăp amăng mông mă bruă, kơ-iăng Khua git gai pơ ala mơnuih ƀôn sang dêh čar, thượng tướng Trần Quang Phương brơi thâo, bruă bơwih brơi mơnuih djru hơkrŭ lăi hrŏm hăng ƀing amĭ ama, sang anŏ tơhan lăi phara, ƀu djơ̆ kơnong lĕ pran khăp pap, tơlơi glăm ba, pran hơdor tơngia đôč ôh mơ̆ ăt lĕ tơlơi tŏ tui, pơtrut pơsur pran jua, ngă lar hyuu pran kơtang amăng wai pơgang rơnuk rơnua lŏn ia amăng rơnuk phrâo, hăng anai lĕ tơlơi pơtrut brơi kơ lŏn ia. Hăng bruă pơđĭ kyar mơng yua boh thâo phrâo, boh thâo măi mok, tơdơi kơ akŏ pơjing Sang djă pioh gene tơhan djai pơsăn drơi, Kơ-iăng Khua git gai pơ ala mơnuih ƀôn sang dêh čar čang rơmang amra ĕp ƀuh lu dong tơlang tơleh tơhan pơ anăp anai.