Ƀơi phường Thới Sơn, Khua dêh čar lăi pơtong tơlơi gơgrong ba yom phara mơ̆ng kual plơi pla giăm guai dêh čar amăng bruă wai pơgang tơlơi rơnuk rơnua hơđong, gum hrŏm laih anun ngă gêh găl brơi mơnuih ƀôn sang dua bơnah rô nao rai, bơwih ƀong huă. Khua dêh čar pơtrun hiăp gong gai kơnuk kơna kual plơi pla pơtum ĕp lăng kiăng thâo tơlơi pơhing mă bruă mơ̆ng ană plơi pla, anăm lui ƀing soh sat pơhmao mă, plư pleč laih anun ăt pơblih mơnuih mă bruă mơ̆ng tơring čar glăi mă bruă beč bal ƀiă, thâo pơčeh phrâo, djơ̆ tơlơi phiăn.

Ƀơi să Mỹ Hiệp, Khua dêh čar rơkâo akŏ pơdong bruă mă rơđah rơđong, djơ̆ găl hăng tơlơi dưi mơ̆ng rim anih mă bruă; ngă klă bruă prăp lui jơnum ruah khua ping gah djop gưl, djru ngă kơjăp tui bruă mă amăng kơnuk kơna brơi hơbôt hloh, tŭ yua, kiăng ngă djop tơlơi gêh găl pơđĭ kyar ƀơi plơi pla.