Amăng mông bưp Dua bơnah mơ-ak ƀơi anăp tơlơi pơđĭ kyar sit nik mơ̆ng tơlơi rô nao rai Japan - Việt Nam hăng čang rơmang, bruă bưp tal anai amra jing tơhnal gal klă pioh dua bơnah pơtrut hăng ngă dơlăm hloh dong bruă gum hrŏm pơgi kơdih anai.

Gah pô, ơi Đỗ Văn Chiến pơsit yôm tơlơi pơđĭ kyar ƀu pơdơi rô nao rai dua bơnah amăng abih bang bruă, hluai tui tơlơi đăo kơnang bruă kơđi čar jai hrơi jai pơđĭ dlông, tơlơi rô nao rai anai hmâo jing laih gru truh kih mơ̆ng bruă gum hrŏm dua bơnah. Ơi Đỗ Văn Chiến brơi thâo, Japan glăk jing bơnah gum hrŏm mrô 1 kơ gum djru pơđĭ kyar sit nik (ODA) hăng mơnuih mă bruă, 3 lĕ tuh pơplai hăng tuai čuă ngui, 4 lĕ sĭ mơdrô, amăng mrô hơdôm bơnah gum hrŏm jar kơmar mơ̆ng Việt Nam. Khua Jơnum min djop djuai ania mơnuih mơnam dêh čar Việt Nam ăt čang rơmang mơn tơlơi rô nao rai gum hrŏm dua bơnah amra pơđĭ kyar kơtang hloh dong amăng pơgi kơdih anai./.