Pơhiăp amăng mông jơnum, ơi Trần Thanh Mẫn, Khua git gai pơ ala mơnuih ƀôn sang dêh čar ta lăng yom bruă Ding jum prăk hăng djop sang bruă ngă hrŏm pơphun jơnum bơkơtuai Man pơdong hăng mă yua sang bruă phun prăk kăk  jar kmar-tơlơi rơkâo brơi kơ Việt Nam kiăng pơtrut bruă ngă hrŏm plah wah Việt Nam hăng Thuỵ Sĩ; lăi lĕ, anai jing bruă mă tŭ yua amăng tal nao hyu mă bruă mơ̆ng Grup khua mua pơprong dêh čar Việt Nam ƀơi Thụy Sĩ.

Lăi pơtong, tơlơi gêh găl, anŏ thâo hơmâo laih hlâo mơ̆ng dua bơnah dŏ lu hăng prong đôč, Khua git gai pơ ala mơnuih ƀôn sang dêh čar rơkâo, Sang bruă khua anih jưh pơ ala Việt Nam ƀơi Thụy Sĩ hăng khul grup pơala kơ Việt Nam ƀơi sang gum hơbit djop dêh čar, Anom bruă wai lăng sĭ mơdrô rŏng lŏn tơnah hăng djop anom bruă jar kmar pơkŏn ƀơi Geneve amra ngă hrŏm djop sang bruă dêh čar Thuỵ sĩ kiăng tañ pơsir hĭ tơlơi tơnap tap amăng bruă ngă tui djop hră pơar či pơtrun, čih pioh bruă ngă hrŏm, kĭ pơkôl mơ̆ng dua bơnah dêh čar, ngă gêh găl kiăng jai hrơi hơmâo lu hloh ƀing ngă bruă sĭ mơdrô tuh pơ alin mơ̆ng Thụy sĩ rai pơ Việt Nam.