Pơhiăp amăng mông jơnum, Khua dêh čar ơi Phạm Minh Chính pơsit yôm tơlơi mă bruă klă mơ̆ng hơdôm ding jum, gơnong bruă, tơring čar, ƀôn prong pok pơhai mă bruă gong gai plơi pla 2 gưl. Lăi lĕ bôh tơhnal lăng hrŏm lĕ klă, khă hnun hai, Khua dêh čar črâo rơđah tơlơi dô̆ gun bơdjơ̆ nao lŏn drŏn, hră pơ-ar, tơlơi phiăn, sang ia jrao, sang hră, tơlơi dưi ruah čơđai hrăm hră...

Lăi nao bôh nik, mơnuih ƀôn sang akă juăt hăng pơplih mrô tâ̆o hloh hră pơ-ar ngă amuñ ăt khom truh Anom phun bơwih kơ bruă hră pơ-ar hrŏm, Khua dêh čar lăi rơđah đing nao pơplih mrô pioh hrŏ trun hră pơ-ar kơ mơnuih ƀôn sang, anom bơwih ƀong, khă hnun hai ăt kiăng pel ĕp glăi mơn, mă yua sa dua anăn amăng măi yua hrŏm, pơhlôm bruă mă hluh gah hăng ba glăi bôh tơhnal./.