Dak Lak pơphun bruă pơhlôm rơnuk rơnua amăng bơyan ngă yang prong
Thứ ba, 10:40, 29/07/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Mơguah lơ 28/7, kông ang tơring čar Dak Lak pơphun hrơi blan pơhlôm rơnuk rơnua amăng jơlan glông, wai pơgang hơđong ƀrô tal hơdor glăi 80 thun hrơi ngă hơkrŭ blan 8, akŏ pơjing Kơnuk kơna lơ 2/9 hăng Jơnum Ping gah djop gưl.
Thiếu tướng Phan Thanh Tám-Khua kông ang tơring čar lăi pơtong, amăng hrơi blan dưm dăp anih anom, lui hĭ gưl tơring glông, amra ƀuh lu tơlơi tơnap tap rung răng, kiăng gơgrong wai pơgang.
Kông ang tơring čar rơkâo ƀing tơhan kông ang đing nao kiăo tui lăng tơlơi sit nik, ĕp lăng hơdôm bruă ngă soh phrâo, pok pơhai tŭ yua hơdôm hơdră pơgang, pơgăn. Laih dong ngă tui khut khăt akŏ bruă mrô 27 kơ bruă pel ĕp ƀing ngă soh, pơtrut pơtô pơblang pơhlôm hơđong amăng jơlan glông, hơđong amăng plơi pla.
Viết bình luận