Amăng dua hrơi dong mơng lơ 14-15/6, Jơnum lăng nao rai mơng ataih pơtop hrăm kơ bruă mă bơdjơ̆ nao bruă pơphun pơjing Ping gah, wai lăng kơnuk kơna, pơphun hăng bruă mă mơng Jơnum min djop djuai ania mơnuih mơnam, hơdôm khul grup kơđi čar gưl să (phrâo) hơmâo pơphun, hăng giăm 11.000 anih jơnum pơlăng nao rai hăng 1,5 klăk čô khua mua jơnum hrŏm. Jơlan hơdră đing nao hơdôm boh tơhnal kơ bruă dưm dăp gong gai ƀon lan 2 gưl, hrưn đĭ tŭ yua amăng bruă mă mơng anih anom kơđi čar ƀơi ƀon lan.

Đĭ pơhiăp amăng mông jơnum, Khua dêh čar ơi Phạm Minh Chính lăi pơtong hơnong pơkă prong hloh lĕ pơhlôm kjăp tơlơi rơngai, ngă pô amăng lŏn ia, hrưn đĭ tơlơi hơdip kơ mơnuih ƀôn sang. Khua dêh čar rơkâo gong gai ƀon lan kiăng pơplih mơng dŏ hơđong hơdai nao gơgrong ngă bruă, thâ pơčeh phrâo, djru brơi mơnuih ƀôn sang klă hloh. Laih dong, gưl Ping gah, gong gai djop gưl kiăng kiăo tui tơlơi sit nik, hmư̆ tơlơi pơgôp hiăp mơng mơnuih ƀôn sang, kơtưn kiăo tui lăng ƀơi ƀon lan, pơsir hĭ hơdôm bruă ngă hră pơ-ar, tơlơi ƀom kiơng hmao tlôn, gơgrong hăng tŭ yua.