Ƀrô djơ̆ tal nao pơhmư̆ mông Jơnum tui tơđar ƀing ba jơlan hlâo tal 16 mơ̆ng Bruă bơkơtuai bơwih ƀong rŏng lŏn tơnah ƀơi Thiên Tân, dêh čar Khač, mơguah lơ 25/6, Khua dêh čar ơi Phạm Minh Chính hmâo bưp laih Khua dêh čar Kyrgyzstan Adylbek Kasimalyev.

Khua dêh čar ơi Phạm Minh Chính pơtŏng sit hơdôm ding jum, gơnong bruă Việt Nam glăk pok pơhai klă ba glăi bôh tơhnal hơdôm tơlơi pơkôl hmâo Khua mua dua bôh dêh čar tŭ ư hrŏm pơtrut amăng rơwang tal nao čuă mơ̆ng Khua dêh čar Kasimalyev; kiăo tui anun, Khua dêh čar rơkâo dua bơnah pơtrut kơtang gum hrŏm bơwih ƀong, sĭ mơdrô, tô nao rai jơlan rơdêh treng kơplah wah dua bôh dêh čar hăng mơ̆ng anun hăng hơdôm bôh dêh čar kual Trung Á. Dua bơnah tŭ ư hrŏm kơtưn lăi pơthâo nao rai, pơtom hiăp bruă kơđi čar dơlăm prong ƀơi hơdôm gưl, biă ñu lĕ gưl dlông, hăng kơplah wah Gong gai dêh čar, hơdôm ding jum, gơnong bruă tơring čar, ƀôn prong dua bôh dêh čar; gum hrŏm kơjăp pioh pok pơhai ba glăi bôh tơhnal hơdôm tơlơi pơkôl hmâo Khua mua gưl dlông dua bôh dêh čar tŭ ư pơtrut đĭ; gum hrŏm kơjăp dong pơtrut gum hrŏm djop mơta, kơtưn thâo hluh nao rai tơdruă hloh kơplah wah mơnuih ƀôn sang dua bôh dêh čar./.