Gia Lai pơtrut tañ bruă ruh pơkra glăi sang dŏ jang jai, sang tơ̆i phŏ
Thứ hai, 10:07, 16/06/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tơring čar Gia Lai hơmâo pơphun man pơdong, pơkra ming rơbêh 7.900 boh sang, dưm dưm rơbêh 97% tui tơlơi pơkă amăng jơlan hơdră ruh pơkra glăi sang dŏ jang jai, sang tơ̆i phŏ.
Truh ră anai, 6.465 boh sang hơmâo pơkra giong, 10/17 boh ƀon lan man pơdong 100% boh sang tui tơlơi pơkă; amăng anun 6 boh ƀon lan hơmâo pơgiong abih bang mrô sang arăng jao. Hơdôm boh ƀon lan ba jơlan hlâo hơmâo: Pleiku, An Khê, Ayun Pa, Đak Pơ, Phú Thiện, Krông Pa, Đức Cơ, Chư Sê, Đak Đoa hăng Kbang.
Amăng hrơi blan pok pơhai, hơdôm boh ƀon lan bưp lu tơnap tap yua kiăng ngă tañ, kơƀah mơnuih mă bruă, čuah pơtâo. Samơ̆, yua hơmâo ling tơhan hăng mơnuih ƀôn sang, Jơlan hơdră ăt pơhlôm djơ̆ hrơi blan. Akŏ bơyan hơjan thun anai, rơbêh 6.000 boh sang anŏ ƀun rin, giăm ƀun rin, sang anŏ tui hơdră djru hơmâo sang dŏ sir kjăp, rơnuk rơnua, pơkrem.
Viết bình luận