Tui anun, dong mơng lơ 21-24/6, djop ƀon lan amra pok pơhai pơplih anih anom mă bruă, dưm dăp gơnam măi mok hăng mơnuih apăn bruă. Dong mơng lơ 25-26/6, brơi ngă bruă lông lăng hơdôm anom bruă kơđi čar-ngă hră pơ-ar anun lĕ Ping gah, Jơnum min pơ ala mơnuih ƀôn sang, Jơnum min mơnuih ƀôn sang hăng Jơnum min djop djuai ania mơnuih mơnam să. Amăng rơwang ngă lông lăng, Ping gah să jơnum Khul apăn bruă, pơjing jơlan hơdră bruă mă blan blung a hăng ba tơbiă tơlơi pơkă bruă mă, Jơnum min pơ ala mơnuih ƀôn sang prap lui jơnum blung a, Jơnum min mơnuih ƀôn sang pok anih ngă hră pơ-ar “ha bah amăng”, pơsir hĭ bruă djru mơnuih ƀôn sang, mă yua măi mok wai lăng pơlir nao rai.

Jơnum min djop djuai ania mơnuih mơnam pơphun hơdôm bruă tong ten. Mơguah lơ 1/7, djop tơring glông, să, plơi prong amra pơphun ha amăng plĕ mông lăi pơthâo sit nik bruă akŏ pơjing gong gai gưl să phrâo. Kiăng pơphlôm djơ̆ hrơi mông, Ping gah tơring čar hơmâo akŏ pơjing grup hyu mă bruă djru hrŏm hăng hơdôm anom bruă bơdjơ̆ nao gum hrŏm pơhlôm kơ yua măi mok, rơnuk rơnua, pơsir hĭ bruă phrâo ƀuh.