Pơhiăp git gai mông jơnum, Khua git gai ping gah ơi Tô Lâm lăi pơtong, hrơi blan laih rơgao, ƀing tơhan kông an mơnuih ƀôn sang gah yŭ tơlơi git gai mơ̆ng khua ping gah kông an dêh čar ăt ngă gru ba jơlan hlâo, mă bruă ngă tui djơ̆ jơlan hơdră, tơlơi pơtrun mơ̆ng Ping gah, boh nik ñu ba hlâo ngă tui Hră pơtrun 18 hăng pok pơhai hơbô̆ bruă gong gai kơnuk kơna dua gưl, lir hơbit hăng bruă pơpha bruă mă, lăi pơthâo tong ten pioh kơ gưl pơyŭ thâo rơđah amăng bruă mă.

Kơ anăp ngă bruă, 6 blan rơnuč thun 2025 hăng hơdôm thun tŏ tui, Khua git gai ping gah dêh čar pơtrun hiăp brơi tơhan kông an mơnuih ƀôn sang khom pơtum pran jua ngă truh kih tŭ yua hơdôm tơhnal pơkă kơ bruă mă yom mơ̆ng ping gah; ngă tui jơlan hơdră djru kơ ƀing apăn bruă pơdjơ̆ nao, bơbeč yua lơ̆m dăp glăi bruă mă, ngă hơbôt hloh sang bruă kơnuk kơna; prăp lui tong ten djop mơta anŏ gêh găl kiăng pơphun truh kih jơnum ruah khua ping gah kông an dêh čar tal VIII, ngă djop hră pơtrun kơ mông jơnum, lăng anun kah hăng jơlah apui arôk, apui ƀông pơčrang bơngač jơlan mă bruă pơgang tơlơi rơnuk rơnua, akŏ pơjing khul tơhan kông an mơnuih ƀôn sang ngă djơ̆ bruă jao rơnuk anai, lăp hăng tơlơi đăo kơnang, tơlơi čang rơmang mơ̆ Ping gah, kơnuk kơna hăng mơnuih ƀôn sang pioh kơ tơhan kông an mơnuih ƀôn sang.