Truh mông anai, tơring čar Kon Tum hơmâo ngă giong laih bruă prăp lui tal pơplông abih anih 12, kiăng dưi pơphun mơ̆ng lơ 25-27/6 pơ anăp. Tal pơplông abih anih 12 thun anai, tơring čar Kon Tum hơmâo rơbêh 5.300 čô mơnuih pơplông. Đơ đam tơring čar hơmâo dăp bruă ƀơi 14 boh sang hră hăng 244 anih mut pơplông hăng 28 anih prăp lui tơguan.

Rơngiao kơ anun, anom bruă pơtô hăng pơjuăt hăng gong gai kơnuk kơna djop plơi pla hơmâo prăp lui 9 anih pơplông pơhlom lui,hŭi hơmâo tơlơi truh lŏn adai ngă. Kiăng pơhlom klă kơ tal pơplông rơnuk rơnua, tơpă, djơ̆ hơnơ̆ng, tơring čar Kon Tum pơtum 1.200 čô khua mua sang hră, nai pơtô nao sem lăng bruă pơplông, amăng anun lăng tơlơi pơplông lĕ 630 čô. Yă Y Ngọc, Kơ-iăng khua Jơnum min mơnuih ƀôn sang tơring čar, Khua khul git gai tal pơplông abih anih 12 thun 2025 tơring čar Kon Tum brơi thâo, Khul git gai amra lir hơbit hăng bruă glăm ba tong ten kơ khua mua apăn bruă tơdah lui hơmâo soh glăi amăng hrơi mông ngă tui bruă pơplông.