
Anai jing phun atur kiăng pok pơhai ngă bruă ha amăng plĕ pơ 76 boh să phường dŏ glăi mơ̆ng lơ 1/7 pơ anăp. Anom bruă Jơnum min mơnuih ƀôn sang tơring čar Gia Lai hơmâo jao bruă ngă hrŏm hăng Anom bruă Jơnum min mơnuih ƀôn sang tơring čar Bình Định či pơphun lông ngă hlâo anom bruă ƀơi phường Pleiku.

Hơdôm gơnong bruă ngă hrŏm djru ba kĭ thuâ̆t, hơmâo: pơkra tài khoản, jao kơ mơnuih dưi mut ĕp, pơplih tơlơi pơhing hră pơ-ar kĭ hăng mrô, pơmut hrŏm hăng pơplih hơdôm glông ngă bruă amăng internet, kiăng pơhlôm mă bruă hruaih, dưm kơnar amăng bruă bơwih brơi mơnuih ƀôn sang. Him lăng, tơdơi kơ pơphun ngă hlâo ƀơi Pleiku, Jơnum min mơnuih ƀôn sang tơring čar Gia Lai amra pơtŏng glăi dong, kơđiăng lui hơdôm tơlơi aka ƀu djơ̆ đah mơ̆ng thâo pơplih glăi dong hlâo kơ pơphun mă yua sit nik ƀơi abih bang hơdôm boh să phường amăng tơring čar.
Viết bình luận