Khua dêh čar rơkâo mă lơ 19/12/2025 kiăng kơ man pơkra ha amăng plĕ ƀơi 5 anih, pơhlôm djơ̆ hrơi blan. Khua dêh čar jao Ding jum boh thâo măi mok gum hrŏm pơjing hơnong pơkă akŏ bruă; Ding jum pơtom hiăp mă bruă hăng dêh čar Khač lăi pơthâo bruă pơlir gum hrŏm hăng Việt Nam amăng bruă dưm dăp man pơkra; Ding jum man pơdong gum hrŏm hăng ƀon lan pơsit pok man pơkra glông jơlan, pơtrut tañ bruă pơhrui glăi lŏn mơnam.

Kơ bruă prăk kak, Khua dêh čar rơkâo Ding jum prăk mă bruă hăng dêh čar Khač kiăng kơ hơmâo prăk čan mă kmlai ƀiă, laih dong pơjing keh prăk 500 rơbâo klai prăk djru brơi hơdôm akŏ bruă man pơdong anih anom, jơlan glông phun, amăng anun hơmâo jơlan rơdêh treng. Khua dêh čar lăi pơtong, akŏ bruă anai ƀu djơ̆ kơnong yôm phăn amăng bơwih ƀong huă-mơnuih mơnam đôč ôh mơ̆ ăt pơgôp pơtrut pơlir kual, pok prong ngă hrŏm jar kmar.