Him lăng mrô prăk hơmâo brơi mơ̆ng akŏ thun truh lơ 30/4 thun anai lĕ rơbêh 128 rơbâo klai, hơmâo rơbêh 15% akŏ bruă Khua dêh čar jao, hrŏm tơđar thun 2024 hơmâo brơi 110 rơbâo klai, hơmâo rơbêh 16%. Tui anun, thun 2025 hơmâo brơi lu hloh kơ thun 2024 năng ai 18 rơbâo klai, samơ̆ mrô prăk hơmâo brơi pơhmu hăng mrô prăk Khua dêh čar jao lĕ aset hloh. pơhiăp ƀơi mông Jơnum, Khua dêh čar ơi Phạm Minh Chính lăi: ƀing ta glăk amăng hrơi blan gru grua hing ang, hăng pran jua “ječ ameč, khin ngă” samơ̆ tuh pơ alin ƀu kơnong ƀu “ječ ameč, khin ngă” đôč ôh mơ̆ jai hrơi kaih tui.

Lăi nao hơdôm tơlơi pơtrut phrâo kah hăng: boh thâo ia rơgơi, pơčeh phrâo, pơplih phrâo mrô, bơwih ƀong huă pơdar nao rai, bơwih ƀong rơgơi, bơwih ƀong mơnuih ƀôn sang ngă pô....glăk hơmâo pơphun, aka ƀu hơmâo boh than ăt khŏm gir yơh, pơtrut tui, amăng anun hơmâo pơtrut tuh pơ alin bruă kơnuk kơna. Khua dêh čar kiăng apah bơni, ding jum anom bruă brơi prăk tuh pơ alin lu, laih dong kiăng lăng glăi, kơđiăng lui hơdôm tơlơi aka ƀu djơ̆, ngă rơđah tơlơi gơgrong bruă mơ̆ng grup, mơnuih bơdjơ̆ nao, mơ̆ng anun ba tơbiă hơdră ngă bruă lăp djơ̆ kiăng hơmâo prăk ngă bruă lu hloh amăng hrơi blan pơ anăp.