Tal jơnum anai pơphun ƀơi ƀut anih jơlan djă anăn Ơi Nup, mơnuih khin hơtai sông kơtang jing jơlan Anh hùng Nup hăng tơdron lăk Đại đoàn kết, plơi prong phun Plei Ku, sa boh anih gêh găl pioh pôr pơthâo tơlơi pơhing anŏ kiăng lăi nao rơnoh yom kơphê Gia Lai. 40 boh sang bruă mơdrô hăng sang anŏ mơnuih ngă hmua amăng kual pla kơphêlu ba pơdă gơnam sĭ mơdrô tơpung hăng ia kơphê mơñum, jing gơnam sĭ mơdrô hiam jơman phara, kiăng gum tơngan hrŏm pran jua pơlar tui rơnoh yom phara mơ̆ng kơphê Gia Lai. Yă Nguyễn Thị Nga, Kơ-iăng Khua anom ngă hrŏm gah đang hmua bơwih bơwăng Nam yang brơi thâo:

“Kơnang kơ tal jơnum prong djơh hăng anai, ƀing gơmơi čang rơmang pôr pơthâo kơphê Đak yang lăi pha laih anun kơphê Gia Lai hnun mơ̆n brơi gơyut gơyâo amăng dêh čar hăng jar kmar thâo, ba kơphê Gia Lai đĭ nao amăng anih sĭ mơdrô phrâo. Kơphê jơman hloh”.

Hăng tơhnal pơkă pơđĭ rơnoh yom kơphê rơnuk phrâo ƀơi tơring čar, Gia Lai Coffee Festival pơtum nao kơ lu bruă mă găn rơgao tơlơi thâo thăi amăng bruă kơphê kah hăng: liah lông lăng ia kơphê jơman, tŭ yua yom, ruah mă kơphê pioh kơ-uă pơjing tơpung sĭ mơdrô, pơdah thâo hơdră hna kơphê hăng pơjing ia kơphê pioh mơñum, pơplông hrŏng ia kơphê hăng bưp nao rai bơ ră ruai, pơtruh hăng lu gơnam sĭ mơdrô pơkŏn.....Yă Nguyễn Thị Thanh Tâm, Khua anom pơphun tal jơnum anai lăi:

“Gia Lai Coffee Festival lĕ sa tơlơi jơnum pơtum lu mơnuih hăng abih bang bruă mă amăng tal jơnum anai amra pơphun tui hăng concept jing tơlơi pơmin dăp hơdră hlâo, dơ̆ng mơ̆ng đang kơphê truh pơ kơčok ia kơphê či mơñum. Tơlơi čang rơmang lĕ anih pla kơphê hiam, tŭ yua Gia Lai ƀrư̆ hrơi lu hloh, prong tui, brơi lu mơnuih thâo rai hăng hmư̆ hing, laih dơ̆ng hơnơ̆ng bang hyu hăng pơtruh brơi djop sang anŏ mơnuih ƀôn sang ngă hmua pla kơphê tañ hăng hmar hloh laih anun kual pla kơphê amăng tơring čar ăt amra pơđĭ kyar hơđong kơjăp”.

Tơdơi kơ tal blung a pơphun jơnum anai tŭ yua amăng thun 2023, thun anai Gia Lai Coffee Festival hơmâo pơphun lu bruă mă, tơlơi ngui ngor hloh; anun lĕ mơnuih ƀôn sang blơi yua hơduah ĕp kơ pơjeh kơphê hăng tơlơi ră ruai kơ gơnam sĭ mơdrô phun mơ̆ng tơring čar....Tui hăng ayong Nguyễn Văn Hòa, Khua anom bruă kơsme min Lab gah anom bruă pơkă hơnơ̆ng hiam kơphê rŏng lŏn tơnah ƀơi Việt Nam, bruă ngă anai hlăk ngă pơgiong, pơtrut pơsur pran jua khul mơnuih ƀôn sang pla kơphê ƀơi Gia Lai hrưn đĭ ngă pơlar tui, lu hơnơ̆ng hiam, ia jơman kơphê:

“Tơ tă anai, kâo hlăk gơgrong ba gah bruă lông liah ia hăng mơnâo ƀâo hiam mơ̆ng kơphê hăng pơtong glăi kơphê 48 mơta tơpung kơphê ƀơi Gia Lai pioh ruah mă tơpung kơphê jơman hloh či ba nao pơplông ia kơphê jơman hloh Gia Lai. Ngă hiưm pă kiăng pơtrut pran jua, tơlơi gir run hloh kơ čơđai muai, tơlơi hor hăng hur har kiăng pơđĭ kyar bruă pơkra ming gơnam sĭ mơdrô kơphê ƀơi Gia Lai”.