Kơ-iăng Khua dêh čar ta lăi glăi tơlơi tơña bla mơ̆ng khua mua gưl dlông Việt Nam hăng Khua dêh čar Japan, pơtŏng sit Việt Nam lăng Japan lĕ bơnah gum hrŏm khom ngă đăo kơnang amăng rơnuk phrâo pơđĭ kyar phrâo. Dua bơnah tŭ ư hrom pơtrut kơtang bruă gum hrŏm hơdôm mơta bruă phun kah hăng sĭ mơdrô, tuh pơplai, kơsem min măi mok, pơlar mơnuih mă bruă.

Khua dêh čar ơi Ishiba Shigeru pơsit yôm gum hơgôp mơ̆ng mơnuih mă bruă Việt Nam ƀơi Japan, lăng anai lĕ mơnuih yôm phăn ƀu dưi pơ ala nao, hrŏm hăng anun pơdah pran jua čang rơmang tŭ mă lu hloh dong mơnuih mă bruă mơ̆ng Việt Nam. Dua bơnah pơkôl gum hrŏm pok pơhai ba glăi bôh tơhnal hơdôm tơlơi pơkôl gưl dlông hăng pok prong gum hrŏm amăng hơdôm bruă pơplih phrâo pơčeh phrâo, pơtô pơhrăm mơnuih mă bruă kơjăp./.