Khua git gai Ping gah dêh čar ơi Tô Lâm pơdah pran hok mơ-ak ƀơi anăp tơlơi pơđĭ kyar kơtang amăng tơlơi rô nao rai Việt Nam-Lao, pơsit tong Việt Nam lêng kơ dong yua biă mă bruă pơjing, pơđĭ kyar dêh čar Lao. Khua git gai Ping gah lăng yôm tơlơi gum hrŏm kjăp phik kơplah wah anom bruă dua Ping gah amăng pok pơhai tŭ yua hơdôm tơlơi pơkôl ngă hrŏm, pơlăi nao rai tơlơi pơhing, tơlơi găn rơgao amăng pơphô bruă, sit biă ñu lĕ prap lui jơnum Ping gah, pơjing jơlan hơdră bruă mă mơng Ding jum kơđi čar, Khul git gai Ping gah.

Khua git gai Ping gah dêh čar rơkâo dua bơnah tŏ tui gum hrŏm ngă tui klă hơdôm boh tơhnal hơmâo tŭ ư hrŏm, pơgôp hrưn đĭ boh than dưi ngă amăng pơphô bruă, djru brơi khua mua dua Ping gah amăng rơwang pơđĭ kyar phrâo.