Khua git gai pơ ala mơnuih ƀôn sang dêh čar lăi lĕ, ră anai mơnuih ƀôn sang, mơnuih pơ ala kơ mơnuih ƀôn sang čang rơmang biă dô̆ tơguan bruă ngă tui rơbô̆t bruă čar, mă bruă tŭ yua, ngă tui, ba glăi bôh tơhnal. Yua kơ hơdôm hrơi rơgao, Ping gah, Kơnuk kơna hmâo mă yua lu tơlơi pơtrun pơsit pioh ngă rơbô̆t bruă mă, jơlan gah mă bruă. Samơ̆ bôh nik ñu, bruă hrŏ trun dô̆ hmâo tơhnal pơplih, ba truh bruă mă akă rơbô̆t, hmâo lu mơnuih ruah lu hĭ dong.

Tal anai bruă ngă tui rơbô̆t jơlan gah mă bruă čar tui pran jua Tơlơi pơtrun pơsit 18 lĕ hơdră pơtrun djơ̆ hăng pran jua mơnuih ƀôn sang. Tơlơi pơmin Ping gah djơ̆ hăng pran jua mơnuih ƀôn sang. Kiăng ngă tui hơdôm bôh yôm anai lĕ rơwang dua tơnap biă. Tơnap lĕ khom pơplih pơkra Phiah phiăn. Khua git gai pơ ala mơnuih ƀôn sang dêh čar ta lăi rơđah, bruă pơplih pơkra Phiah phiăn, ngă giong tơlơi phiăn pơkă hăng hơdôm tơlơi pơkă khom nao hlâo sa yak, kiăng hmâo tơlơi phiăn kơjăp kơ hơdôm bruă ngă tui./.