Hrơi pơphun hăng hơdră črâo brơi ƀơi anăp hăng lăng nao rai mơng ataih, djru brơi ƀing čơđai thâo ĕp bruă mă, pơčlah tơlơi hrăm lăp djơ̆ hăng tơlơi thâo mơng ƀing gơñu, tui sang anŏ hơmâo hăng tơlơi kiăng mơnuih mă bruă mơng hơdôm anih anom. Laih dong, ƀing čơđai ăt črâo brơi bruă ruah tơlơi hrăm hăng ngă hră pơ-ar mut hrăm.

Amăng mông črâo ba, lu anih pơtô bruă mă hăng anom bơwih ƀong sĭ mmơdrô amăng hăng gah rơngiao tơring čar lăi pơthâo tơlơi pơhing kơ gơnong bruă pơtô bruă, bruă pơtô pơjuăt hăng bruă mă tơdơi kơ hrăm giong. Bruă mă anai pơgôp yôm phăn amăng bruă djru brơi ƀing čơđai sang hră ruah djơ̆ jơlan, plai ƀiă glêh glar amăng pơplông mut hrăm gưl prong hăng pok rai tơlơi dưi amăng bruă mă hơđong kjăp.