Tui hăng akŏ bruă mơ̆ng Gơnong dlông, pơ anăp anai, hơdôm boh tơring čar Lâm Đồng, Bình Thuận hăng Dak Nông amra pơmut jing tơring čar Lâm Đồng phrâo, anih mă bruă pơdong ƀơi plơi prong Đà Lạt, tơring čar Lâm Đồng. Him lăng amra hơmâo giăm 2.000 čô khua mua, mơnuih mă bruă mơ̆ng tơring čar Dak Nông nao mă bruă pơ plơi prong Đà Lạt.

Mơ̆ng tơlơi krăo lăng, năng ai 20% amăng mrô anai rơkâo ngă bruă kiăo tui kual tơdah hơmâo anom apăn bruă brơi. Bơdjơ̆ nao bruă dăp glăi anom bruă kơnuk kơna tơring čar Lâm Đồng tơdơi kơ pơmut hrŏm, him lăng amra čơkă giăm 7.750 čô mơnuih mă bruă amăng anom bruă mơ̆ng hơdôm boh tơring hlâo kơ pơmut hrŏm. Ră anai, Khul wai lăng bruă pơmut tơring čar phrâo hơmâo čih pơkra laih hơdră djru ba rơdêh nao rai, anih dŏ...djru ba ƀing khua, mơnuih mă bruă hơđong pran jua mă bruă hơdip mơda, čơkă bruă phrâo hơmâo jao ƀơi anih mă bruă phrâo./.