Lăi pơthâo hăng Khua git gai Ping gah, tlâo boh tơring čar lêng kơ ječ ameč pok pơhai khut khăt hơdôm tơlơi črâo trun phun mơng gơnong glông kar hăng tơlơi pơtrun mrô 60, tơlơi črâo trun mrô 45, tơlơi klah čun mrô 150…kơ dưm dăp anih anom mă bruă gưl tơring čar, ngă hơbot anih anom mă bruă, prap lui Jơnum Ping gah djop gưl. Hơdôm akŏ bruă pơmut hrŏm gưl tơring čar, lui hĭ gưl tơring glông, pơjing gong gai dua gưl hơmâo pok pơhai khut khăt.

Khua git gai Ping gah lăi rơđah, tơlơi črâo trun pơmut tlâo boh tơring čar kiăng akŏ pơjing tơring čar Lâm Đồng (phrâo) anai lĕ hơdră bruă pơprong, jing hơdră bruă sui pơ anăp, hăng jing tơlơi khŏm ngă kiăng hrưn đĭ klă, tŭ yua amăng git gai wai lăng. Bruă pơmut hơdôm anom bruă, khul grup kiăng pơphun brơi klă hloh, tong ten, rơđah rơđông, sit nik. Kiăng lăng pran hơdip, tơlơi ngă bruă, pran đăo gơnang, boh tŭ yua amăng bruă mă jing hơnong pơkă prong hloh amăng dưm dăp mơnuih mă bruă. Laih dong, kiăng đing nao hơdră djru brơi ƀing apăn bruă, anai lĕ ƀing brơi pơdơi bruă, pơdơi lơtret, pơplih anih mă bruă. Djop mơta bruă kiăng ngă brơi lăp djơ̆, gơgrong, hluh tong ten, djơ̆ tơlơi pơkă.