Khua dêh čar lăng yôm tơlơi dưi amăng rŏng lŏn tơnah mơng PowerChina, amăng anun hơmâo lu akŏ bruă tŭ yua ƀơi Việt Nam. Khua dêh čar lăi pơtong tơlơi rô nao rai giang mah, ngă hrŏm yôm phăn djop mơta Việt Nam-Khač glăk ngă gêh gal kiăng anom bơwih ƀong sĭ mơdrô dua bơnah kơtưn ngă hrŏm sit nik, ba glăi tơlơi dưi hrŏm.

Khua dêh čar čang rơmang PowerChina tŏ tui tuh pơ alin amăng djop mơta bruă anun lĕ apui lơtrik hơdjă, anih anom, jơlan glông phun, sit biă ñu jơlan rơdêh treng plơi pla, đing nao ară jơlan Hải Phòng-Hà Nội-Lào Cai. Khua git gai Châu Gia Nghĩa brơi thâo PowerChina hơmâo man pơdong rơbêh 2.000 km ară jơlan rơdêh treng amăng rŏng lŏn tơnah, hơmâo găn rơgao man pơdong rơbêh 100 akŏ bruă ƀơi Việt Nam, amra ngă hrŏm hăng pă boh anom bơwih ƀong sĭ mơdrô Việt Nam kiăng pok pơhai man pơkra hơdôm ară jơlan rơdêh treng phun.