Hăng 30 bruă mă tô̆ tui tlôn, kơpal khŏp amăng 3 hrơi mơ̆ng tal nao mă bruă, grŭp Việt Nam hmâo pioh glăi laih gru pơđom hăng djru yôm phăn amăng truh kih hrŏm mơ̆ng Jơnum tui tơđar ƀing khua ba jơlan hlâo tal 16 mơ̆ng Bruă bơkơtuai bơwih ƀong rŏng lŏn tơnah.

Amăng hơdôm hrơi pơhmư̆ Jơnum, Khua dêh čar ơi Phạm Minh Chính hmâo laih hơdôm bruă rôk ruai, pơbưp hăng lu Khua mua, mơnuih apăn akô̆ gong gai dêh čar, khua mua hơdôm bôh dêh čar ăt kah hăng hơdôm bơnah gum hrŏm, anom bơwih ƀong... Lăp đing nao, Khua dêh čar hmâo laih bruă bơkơtuai dơlăm hăng Khua dêh čar Khač ơi Lý Cường pioh kơtưn pran đăo kơnang kơđi čar, pok prong gum hrŏm sit nik hăng wai lăng klă hloh tơlơi akă djơ̆ hrŏm, ngă brơi bruă Gum hrŏm khom ngă abih bang, Khul lăi pơthâo pơgi kơdih anai Việt Nam - Khač hmâo bôh tŭ bruă pơđĭ kyar hơđong, tâ̆o klă, ba glăi bôh tơhnal, sui thun./.