
Amăng tal nao čuă sit nik dêh čar Senegal, ơi Trần Thanh Mẫn Khua git gai pơ ala mơnuih ƀôn sang dêh čar, bưp nao mă tơngan hăng Khua mir sir dêh čar Senegal, ơi Bassirou Diomaye Faye ƀơi sang bruă Khua mir sir.
Khua git gai pơ ala mơnuih ƀôn sang dêh čar ta lăi, Việt Nam lăng yom bruă pơđĭ kyar ngă giăng mah lu mơta hăng dêh čar Senegal, biă mă ñu amăng bruă bơwih ƀong huă, sĭ mơdrô, tuh pơ alin, bruă ngă hmua, sang dăng kông hăng kơsem min boh thâo ia rơgơi phrâo.

Khua git gai pơ ala mơnuih ƀôn sang dêh čar ăt brơi thâo, lu group bơwih ƀong huă prong mơ̆ng Việt Nam hlăk đing nao hơduah ĕp anŏ gêh găl tuh pơ alin ƀơi dêh čar Senegal. Kiăng djru ba hnă (gơnam) sĭ mơdrô boh čroh đang hmua či ngă hrŏm Khua git gai pơ ala mơnuih ƀôn sang dêh čar ta rơkâo dua bơnah tañ ngă giong hĭ tơlơi phiăn pơkă, blung hlâo lĕ, pơtrut bruă bơkơtuai nao rai ngă hră pơkôl atur hlâo kah hăng Hră pơkôl pơgang ba bruă tuh pơ alin hăng Hră pokôl anăm mă jia dua wơ̆t, ngă atur kơ tơlơi phiăn pơkă hơđong kơ tơdruă dua bơnah dêh čar.
Viết bình luận