Laih truh pơ tơdron rơdêh por, ơi Trần Thanh Mẫn hăng Khua Gơnong yŭ pơ ala mơnuih ƀôn sang dêh čar Marok, ơi Talbi El Alami bưp nao rai ƀiă mơnuih.

Him lăng tal nao čuă jơmư anai, Khua git gai pơ ala mơnuih ƀôn sang dêh čar ơi Trần Thanh Mẫn hơmâo mông či bưp hăng khua mua pơprong dêh čar pơtao Marok; bưp khua gơnong dlông pơ ala mơnuih ƀôn sang dêh čar Marok, bơkơtuai hăng Khua gơnong yŭ pơ ala mơnuih ƀôn sang dêh čar Marok, ơi Talbi El Alami; kĭ hră pơkôl tŭ ư ngă hrŏm plah wah anom bruă khua pơ ala mơnuih ƀôn sáng Việt Nam hăng Marok; nao jơnum hrŏm pơčrong sai jơlan hơdră čih tơlơi phiăn pơkă pơtrut ngă hrŏm bơwih ƀong huă, sĭ mơdrô hăng tuh pơ alin plah wah Việt Nam-Marok; tŭ jum Khua Khul ƀing pơ ala mơnuih ƀôn sang dêh čar Marok-Việt Nam, khua khul giăng mah Marok-Việt Nam; nao čuă, bưp nao rai ƀing khua, mơnuih apăn bruă Sang bruă khua anih jưh pơ ala hăng mơnuih ƀôn sang Việt Nam dŏ ƀơi dêh čar Marok.