Pơpŭ bơni jao hră apah bơni mơ̆ng kơnuk kơna kơ grup hăng rim čô tơhan amăng grup tơhan blah ngă hăng kông an dêh čar ta nao djru kơ dêh čar Myanmar hơmâo tơlơi truh lŏn adai ngă, Khua dêh čar lăi lĕ, bruă brơi ƀing tơhan dêh čar nao djru ĕp mơnuih hăng pơklaih mơnuih hơmâo tơlơi truh yua lŏn pơpư̆ ƀơi dêh čar Myanmar sa bruă mă yom biă, djru hrŏm pơdah thâo kơnuih hiam, bruă mă klă, tơlơi khăp pap, gum pơgôp hăng jar kmar.

Pơsit kơnuih hăng bruă ngă mơ̆ng Việt Nam djru jing sa bruă mă gơgrong ba hrŏm djop tơlơi ƀơi jar kmar, prăp lui na nao bruă či djru, gum tơngan hrŏm pơsir tơlơi tơnap tap hăng gơyut gơyâo dêh čar tač rơngiao, boh nik ñu tơlơi truh yua lŏn adai ngă, ia ling dăo, rơbŭ kơthel, lŏn pơpư̆, lŏn tơhlŏm, ia mơsĭn hram rơnuk anai jai hrơi kơtang tui, yua kơ anun, kiăng kơđiăng hloh đing nao kơ ană mơnuih, tơlơi rơnuk rơnua hơđong, pơhlôm ba tơlơi hơdip mơda mơak klă kơ mơnuih ƀôn sang.